කාටද අපි උගන්නන්නෙ?
- දැනටමත් වෘත්තියක නියැලෙන සේවකයන්ට
- තමන්ගේ වෘත්තිය පහසුවෙන් හා ගුණාත්මකව සිදු කරගෙන යාමට තොරතුරු තාක්ෂනය භාවිතා කරන ආකාරය.
- ස්වයං රැකියාවක නිරත වන වෘත්තිකයන්ට
- තම ස්වයං රැකියාව සංවර්ධනය සඳහා තොරතුරු තාක්ෂනය හා තොරතුරු තාක්ෂණික මෙවලම් භාවිතා කරන ආකාරය.
- ව්‍යවසායකයන්ට හා ව්‍යාපාරිකයන්ට
- වෙළඳ ප්‍රචාරණ කටයුතු, ලිපි ලේඛන කටයුතු, ගබඩා පරිපාලන කටයුතු, ගිණුම් කටයුතු ආදිය සඳහා තොරතුරු තාක්ෂණය යොදා ගැනීම. ව්‍යාපාරික පිරිවැය තොරතුරු තාක්ෂනය යෙදාගෙන අඩු කරගන්නා ආකාරය හා දත්ත මත තීරණ ගැනීම
- උසස් පෙලින්/සාමාන්‍ය පෙලින් විධිමත් අධ්‍යාපනය අවසන් කළ දරුවන්ට
- ඉගෙනීමට ඉගෙනීම හා තොරතුරු තාක්ෂණ ක්ෂේත්‍රයේ වෘත්තීය පුහුණුව
- අතරමග පාසල හැර ගිය සහ පාසල තුළ ඉතා අදක්ෂ යැයි සම්මත දරුවන්ට
- ලොව පවතින විවිධ රැකියා වර්ග, ඒවාට ඇතුලත් වීමට තිබිය යුතු සිදුසුකම් පිළිබඳ දැනුවත් කිරීම, තම හැකියා හඳුනාගනීමට මග පෙන්වීම සහ තොරතුරු තාක්ෂණ ෂේත්‍රයේ වෘත්තීය පුහුණුව
- විශ්ව විද්‍යාල අධ්‍යාපනය සඳහා සුදුසුකම් ලැබූ දරුවන්ට
- විශ්ව වද්‍යාල අධ්‍යාපනය සඳහා තොරතුරු තාක්ෂණය භාවිතා කරන ආකාරය
- වැඩිහිටියන්ට
- තොරතුරු තාක්ෂණ ඇනුම ඇතිඅය සහ නැතිඅය යන දෙපිරිස අතර ඇති පරතරය නැති කිරීම සඳහා නූතන තොරතුරු තාක්ෂනික මෙවලම් වල සරල යෙදුම් භාවිතය පුහුණු කිරීම
කොහොමද අපි උගන්නන්නෙ?
අප ආයතනය මගින් පවත්වනු ලබන වෘත්තීය පුහුණු පාඨමාලා සාම්ප්‍රදායික ඉගෙනුම් ඉගැන්වීම් ක්‍රම වලින් ඔබ්බට ගිය නූතන පුහුණු කිරීමේ ක්‍රම ශිල්ප මත පදනම්ව ගොඩ නැගුනු වෙනස්ම අත්දැකීමකට ඔබව යොමු කරවයි. ප්‍රාථමික අධ්‍යාපනය, සාමාන්‍ය අධ්‍යාපනය, වැඩිහිටි අධ්‍යාපනය, දුරස්ත අධ්‍යාපනය, සාරධර්ම අද්‍යාපනය වැනි විවිධ සාම්ප්‍රදායික් අධ්‍යාපන සංකල්ප සියල්ලෙහි හරයන් එකතු කරමින් නූතන පුහුණු ක්.රම ශිල්ප සමග සංකලනය කොට වඩාත් සාර්ථක හා ඵලදායී ලෙස පුහුණු කිරීම් සිදු කරයි.
කොහොමද නොදන්නා තැන ඉඳල පළපුරුද්ද දක්වා යන්නෙ?
නොදන්නා තැනින් පටන් පටන් ගෙන පළමුව දැන පුරුද්ද ද, දෙවනුව දැක පුරුද්ද ද, තෙවනුව කළ පුරුද්ද ද ඔබ
වෙත ලබා දෙන අප පලපුරුද්ද දක්වා යාමට මගපෙන්වීම් හා පහසුකම්
ආයතනය හරහාම ලබා දෙයි.
මෙම පුහුණු ක්‍රම ශිල්පය වඩාත් පැහැදිලි කර ගැනීම සඳහා පහත උදාහරණය සලකා බලන්න. අප ආයතනයේ පුහුණුවන අභ්‍යාස ලාභියෙකුට තම
විශය ක්ශේස්ත්‍රයෙහි වැඩිපුර අධ්‍යාපනය සඳහා අවශ්‍ය කරුණු සොයා ගන්නා ආකාරය පිළිබඳ පුහුණුවක් ලබාදීමට අවශ්‍ය යැයි සිතමු. දැනපුරුද්ද යටතේ පළමුව
දේශනයක් පවත්වා නූතන සමාජයේ අදාළ විශේෂේත්‍රය තුළ දැනුම සොයා ගැනීමට භාවිතා කළ හැකි මූලාශ්‍ර පිළිබඳව පැහැදිලි කිරීමක් සිදුකරයි.
දැකපුරුද්ද යටතේ එම අභ්‍යාසලාභියාට සොයා ගත යුතු තොරතුරු මුලින් අප දැනුවත් කළ මූලාශ්‍ර සහ ක්‍රම ශිල්ප භාවිතා කොට අපගේ උපදේශකවරයෙකු
සොයාගන්නා ආකාරය අවබෝධයෙන් යුතුව බලාගෙන සිටීමට අවස්ථාව සලසා දෙයි.
කළපුරුද්ද යටතේ අදාළ අභ්‍යාසලාභියාට එසේ බලාගෙන සිටීමෙන් ඉගෙන ගත් දෙය තමන්ටම කර බැලීමට අවස්ථාව ලබාදෙයි. ඉන්පසු වෙනත් විවිධ වෙනත්
විශේෂේත්‍ර යටතේද අදාළ දැනුම එම ක්‍රම භාවිතා කරමින් ලබා ගැනීමට යොමු කරයි.
පලපුරුද්දේ යනු බොහෝ අවස්ථා ගණනක් එකම කාර්යයක් සිදුකිරීම මගින් එම කාර්යය සිදු කිරීමේදී ඇතිවිය හැකි විවිධ ගැටලු හා එම ගැටලු විසඳා ගන්නා
ආකාරය පිළිබඳව ලබාගන්නා අවබෝධයයි. එය ලබා ගැනීමට අදාළ විශේෂේත්‍රය ප්‍රායෝගිකව භාවිතා කරන වැඩහලක පුහුණුව වෙත යොමු කරනු ලබයි.
ඉහත උදාහරණයේදී නම් අප ආයතනයේ පැවැත්වෙන වෙනත් පාඨමාලාවල දැන පුරුද්ද යටතේ සිදු කළ යුතු දේශන සකස් කිරීමට අදාළ අභ්‍යාසලාභියාට පවරයි.
එම පැවරුම අවසාන කරන විට අභ්‍යාසලාභියා ඕනෑම ක්ෂේත්‍රයක දැනුම තනිවම සොයා ගැනීමට ප්‍රායෝගික පුහුණුවක් ලබා ගනී.
උගන්නනවද ඉගැනීමට අවස්ථාව, පහසුකම් සහ මගපෙන්වීම ලබා දෙනවද?
පුහුණු කිරීම් වලදී ඉගැන්වීමට වඩා සාර්ථක වනුයේ ඉගෙන ගැනීමට අවශ්‍ය වන පරිදි මානසික සහ භෞතික පරිසරය සකසා දීමයි. සරල උදාහරණයක් ලෙස
ඔබගේ දරුවන්ට විද්‍යාව ගණිතය වැනි විෂයන් ඉගැන්වීමට ඔබ සහ ගුරුවරුන් අඛණ්ඩ උත්සාහයක යෙදෙයි. නමුත් බොහෝ සිසුන් අප බලාපොරොත්තු වන
ප්‍රතිඵලය ලබා ගන්නේ නැත. ඔබේ දරුවාට ජංගම දුරකථනයක් භාවිතා කිරීම පිළිබඳව කිසි දිනක ඔබ හෝ වෙන කිසිම ගුරුවරයෙකු උගන්වා නැත.
බොහෝ දෙමාපියන් දරුවන්ට ජංගම දුරකථනයේ භාවිතා කිරීමේ අවස්ථාව අහුරා තැබීමට පවා කටයුතු කරයි. නමුත් ඔබට වඩා ඔබේ දරුවා ඔබගේ ජංගම
දුරකථනය භාවිතා කිරීම පිළිබඳ දැනුවත්ව. එහි ප්‍රායෝගික භාවිතයෙන්ද ඔබේ දරුවා ඔබට වඩා ඉදිරියෙන් සිටි. ඔබ කිසිදිනෙක ඔබේ දරුවන්ට බයිසිකල්
පැදීමට උගන්වන්නේ නැත. සමහරවිට ඔබගේ ගෙදර යතුරුපැදියක් නොමැති වුවද ඔබගේ දරුවා යතුරුපැදියක් පැදීමට හැකියාව ලබාගෙන ඇත.
මෙය විශේෂයෙන් අවධානය යොමු කළ යුතු කාරණයකි. මන්ද යත් දරුවාගේ මනස තුළ ඉගැනීමේ අවශ්‍යතාව ඇති කළ හැකි නම් පහසුකම් නොමැති වුවද
දරුවා එය ඉගෙන ගනු ඇත. නිවැරදි පරිදි අවශ්‍යතාවය ඇතිකොට පහසුකම් ද ලබා දුනහොත් ඉතාම කෙටි කාලයකින් කිසිම
ගුරුවරයකුගේ සහයක් නොමැති වුවද දරුවා ඉගෙන ගනු ඇත. අත්දැකීම් බහුල ගුරුවරයකුගේ මගපෙන්වීම යටතේ වඩාත්
නිවැරදිව ඉක්මනින් හා සාර්ථකව දරුවා ඉගෙන ගනු ඇත. අප ආයතනයේ පවත්වන සියලුම පුහුණු කටයුතු වලදී ඉගැන්වීමේ
මූලික පදනම මෙයයි.
පුහුණුවීමට ඔබට වෙලාවක් නැද්ද?
විවිධ වෘත්තීන්හි නියැලෙන බොහෝ දෙනෙකුට තමන්ගේ වෘත්තියෙහි ඉතිරි ගමන සඳහා අවශ්‍ය අමතර පුහුණු වීම් සඳහා කාලයක් වෙන් කරගත නොහැකි තත්ත්වයක් ඇත. එයට පිළියම් ලෙස අප ආයතනය මගින් ඔබට ඉඩ ඇති වෙලාවක සිටින තැනක හිඳිමින් අධ්‍යාපනය ලැබීමට අවශ්‍ය පහසුකම් සලසා ඇත. මේ සඳහා තොරතුරු තාක්ෂණය උපරිම වශයෙන් යොදාගෙන ඇත. බස් රථයක ගමන් කරන විටදී දේශනයකට සවන් දීම, රැකියා ස්ථානයේ දිවා ආහාරය ලබා ගන්නා පැය තුළ ගුරුවරයා සමග සම්බන්ධ වී ගැටලු නිරාකරණය කර ගැනීමට පහසුකම් සැපයීම, රාත්‍රී දහය දක්වා ආයතනයට පැමිණ පුහුණුවීම් ලබාගත හැකිවීම වැනි පහසුකම් රැසක් අප අයතනය හරහා පුහුණුවීම් ලබන ඔබට අප විසින් ලබාදෙයි.
ආකල්ප සංවර්ධනය වැදගත් අයි?
වෘත්තීය පුහුණුව ලබා ගන්නා බොහෝ දරුවන්ට සේවා ස්ථානයක කටයුතු කිරීමට නොහැකි වන්නේ ආකල්පමය වශයෙන් ඇති දුප්පත් කමයි අප ආයතනයේ පුහුණු වන සියලුම අභ්‍යාස ලාභීන්ට ධනාත්මක චින්තනය, දත්ත මත තීරණ ගැනීම, ගැටලු නිරාකරණය වැනි එදිනෙදා ජීවිතයට සහ වෘත්තීය ජීවිතයට අත්‍යවශ්‍ය මූලික කුසලතා සංවර්ධනය වන ආකාරයෙන් සියලුම දේශන සහ ක්‍රියාකාරකම් සැලසුම් කර ඇත. ඒ තුළින් තම මතය නොපැකිළව ප්‍රකාශ කිරීම, අන්‍යයන්ගේ මත වලට ගරු කිරීම, සංවේදීතාවය සහ සහකම්පනය වැනි ඉහළ සමාජ කුසලතා සංවර්ධනය කරනු ලබයි. සෑම කටයුත්තක්ම නිවැරදිව සැලසුම් කිරීම, සැලසුමට අනුව ක්‍රියාත්මක කිරීම, නිවැරදි කාල කළමනාකරණය වැනි අනාගත ලෝකයට අවශ්‍ය වන කුසලතා නිරායාසයෙන්ම සංවර්ධනය කරයි.
කවුද එතකොට උගන්නන්නෙ?
අප විශ්වාස කරන්නෙ ඔබට වඩා දන්නා ඕනෑම කෙනෙකුගෙන් ඔබට ඉගෙන ගත හැකිය යන්නයි. නමුත් විවිධ ක්ෂේත්‍රවල දක්ෂතා සහිත බාහිර උපදේශකවරුන් අප අවශ්‍යතාව අනුව සම්බන්ධ කරගනු ලබයි. සමහර අය ඉගැන්වීම පිළිබඳ පළපුරුද්ද නැතත් ක්ෂේත්‍රයේ කටයුතු කිරීමෙන් අත්දැකීම් රැසක් ලබාගන්නා ලද පුහුණු ශ්‍රමිකයන්ය. තවත් සමහර අය ක්ෂේත්‍රය තුළ අත්දැකීම් නැතත් ඉගැන්වීම පිළිබඳ අත්දැකීම් බහුල ගුරුවරුන්ය. මේ දෙපාර්ශ්වයේ ඒකාබද්ධ උත්සාහයක ප්‍රතිඵලයක් ලෙස ඔබට වඩාත් ගුණාත්මක පුහුණුවක් ලබාගත හැකිය.
ඉගෙන ගන්න හැමදාම ආයතනයට එන්න ඕනද?
මෙය තීරණය වන්නේ ඔබ සතු පහසුකම්, දක්ෂතාවය, කැපවීම සහ හැකියාවන් මතයි. සෑම පාඨමාලාවක්ම ආරම්භයේදී මූලික පැය කිහිපයක් අප ආයතනයට පැමිණ ඉගෙන ගත යුතුය. ඉන්පසු අප ආයතනය මගින් ලබා දෙන පුහුණු වීඩියෝ, හඬ පට, අන්තර්ජාලය ආශ්‍රිත සම්පත් සහ සැලසුම් කළ ක්‍රියාකාරකම් පරිශීලනය කරමින් ස්වයං අධ්‍යයනයෙහි යෙදිය හැකිය. ගැටලු සහිත තැන් නිරාකරණය කර ගැනීම සඳහා පමණක් අවශ්‍යතාවය අනුව වෙලාවක් වෙන් කරගෙන ආයතනයට පැමිණිය හැකිය. නමුත් අවසාන කුසලතා ඇගයීම් සඳහා ඔබ අපගේ ඇගයුම්කරුවකු ඉදිරියේ පෙනී සිටිය යුතුය. බොහෝවිට කුසලතා ඇගයීම ආයතනය තුළ සිදුකරන අතර සමහරවිට රැකියාවල නියුතු අය සඳහා කුසලතා ඇගයීමට අපගේ පරීක්ෂකවරයකු ඔබගේ වැඩ හලට පැමිණීමට කටයුතු යොදනු ඇත.
අප ආයතනයේ පුහුණු පාඨමාලාවක් තෝරා ගැනීමෙන් අත්වන සුවිශේෂී වාසි මොනවාද?
- අවශ්‍ය විෂය කොටස් පමණක් තෝරාගෙන ඉගෙන ගැනීමට පහසුකම් තිබීම.
- ඔබට සුදුසු පරිදි කාලය වෙන්කර ගත හැකි වීම.
- අපගේ ඉගෙනුම් පරිශ්‍රය තුළ ඇති බොහෝ සම්පත් පරිශීලනය කළ හැකි වීම.
- ඔබගේ දක්ෂතාවය මත ආයතනයට පැමිණීම අවම කර ගැනීමෙන් ගමන් වියදම් සහ අනවශ්‍ය කාලය ගත කිරීම් අඩුකර ගත හැකි වීම.
- අප ආයතනය මගින් නිකුත් කරනු ලබන ජාත්‍යන්තර තලයේ සහතිකයකට හිමිකම ලැබීම. මෙම සහතිකය තුළ ඔබ පුහුණුව ලැබූ ආකාරය සහ පුහුණුවේදී ඔබ පෙන්වූ විශේෂ දක්ෂතා සියල්ල සජීවී ලෙස අන්තර්ගත කර ඇත.
- සෑම අභ්‍යාසලාභියෙකුටම පෞරුෂ සහ සමාජ කුසලතා සංවර්ධන වැඩසටහන්වලට සහභාගී වීමටත් ඉගෙනීමට ඉගෙනීමේ පුහුණු වැඩසටහනට සහභාගි වීමටත් අවස්ථාව ලැබීම
- ආයතනය සහ වැඩ ලෝකය අතර පවතින සබඳතා යොදාගනිමින් පාඨමාලාව අවසානයේ රැකියා ගත ප්‍රායෝගික පුහුණුවක් ලබාගත හැකිවීම.
- අනාගත වැඩ ලෝකය අක්‍රමණය කිරීමට නියමිත කෘතිම බුද්ධිය ඔබගේ රැකියාව පහසු කරගැනීමට යෙදා ගන්නා ආකාරය පිළිබඳ නොමිලේ පුහුණුව
- වෘත්තීය සංවර්ධනය සඳහා ඉංග්‍රීසි භාෂාව අත්‍යවශ්‍ය වෘත්තීන් සඳහා ඉංග්‍රීසි භාශාවෙන් සන්නිවේදන නිපුනතාවය ලබා ගැනීමට මගපෙන්වීම
අප සැළසුම් කළ පාඨමාලා තෝරා ගැනීම
මෙම ක්‍රමයේදී රැකියා වෙළඳපොලෙහි ඇති විවිධ රැකියා අවස්ථා තුළ කටයුතු කිරීමට අවශ්‍ය දැනුම, ආකල්ප හා කුසලතා සංවර්ධනය වන පරිදි අප විසින් එක් එක් වෘත්තියට අවශ්‍ය මොඩියුල තෝරාගෙන පාඨමාලාව සැළසුම් කර ඇත. එක් පාඨමාලාවක් අවසානයේ පාඨමාලාව සඳහා සහතිකපතක් ලබා දෙන අතර ජාතික වෘත්තීය තත්ව රාමුව යටතේ අර්ත දක්වා ඇති පාඨමාලාවක් නම් ජාතික වෘත්තීය තත්ව සහතිකය (NVQ Certificate) ලබා ගැනීමට අවශ්‍ය මගපෙන්වීම් ද සිදු කරනු ඇත.
ඔබගේ අවශ්‍යතාවය මත මොඩියුල තෝරා ගැනීම
මෙම ක්‍රමය හඳුන්වා දී ඇත්තේ දැනට වෘත්තියක නිරත වන අයට හා වෙනත් වෘත්තීය පාඨමාලාවක් හදාරා ඇති මුත් එහි දී ආවරණය නොවූ විෂය කොටසක් ආවරණය කර ගැනීමේ අවශ්‍යතාවය ඇති අයදුම් කරුවන් සඳහාය. ඔවුන්ට තමන්ට අවශ්‍ය කොටස පමණක් ආවරණය කරගත හැකි වන අතර එමගින් අනවශ්‍ය ලෙස මුදල් හා කාලය කැප කිරීම මහ හැරී යනු ඇත.